أختـــر المنطقة

مشاريع بالمنطقة

العلم قوة


الحكايه من أولها

كانت البدايه مع حلول شهر رمضان عام 2011 – أغسطس 2011 .. عايزين نقضى على الأميه فى مصر .. مش معقوله بلد أول حضاره عرفتها البشريه نصفها لا يعرف القراءه والكتابه ..
كانت المبادره لمؤسسه صناع الحياه ورئيسها دكتور عمرو خالد بإعلانه عن فكره وخطه طموحه للقضاء على الأميه فى مصر ودعا كل من يريد البناء والمشاركه فى الإنضمام فكان مشروع " العلم قوه".

شركاء النجاح: مؤسسه صناع الحياه - الهيئه العامه لتعليم الكبار – وزاره التربيه والتعليم – وزاره التضامن الإجتماعى – مؤسسه فودافون مصر لتنميه المجتمع – متطوعين فى حب مصر من شباب وبنات وسيدات ورجال بل وأطفال مصر J

وكان العمل الدؤوب للتحضير للمرحله الأولى والتجريبيه للمشروع ووضع منهج يصلح للتدريس وأبتكار أدوات جديده من خلال شبكه كبيره من المتطوعين (15 ألف متطوع) فى 7 محافظات فى مصر. وتذليل كافه التحديات ومواجهتها والقضاء عليها من أجل الحلم " مصر بلا أميه".

وفقنا الله تعالى وتم تعليم 92 ألف أمى القراءه والكتابه, ونجحت التجربه وأصبحت قابله للتكرار.

المرحله الجديده من العلم قوه مرحله طموحه تهدف الى تعليم مليون أمى القراءه والكتابه فى 18 محافظه من محافظات مصر من خلال 100 ألف متطوع.

فريق هضبه الأهرام تابع لجمعيه صناع الحياه – 6 أكتوبر (جمعيه رسميه ومشهره). وهضبه الأهرام من المناطق المستهدفه فى المرحلتين الأولى والثانيه, وأستطعنا بفضل الله فى المرحله الأولى ومن خلال 18 متطوع تعليم 51 أمى القراءه والكتابه تم أمتحانهم وحصلوا على شهادتهم وأقمنا لهم حفله تخرج. J

هدفنا وهمتنا وحلمنا لهضبة الأهرام أكبر فى المرحله القادمه , ونسعى من خلال تعاون الجميع الى تجميع عدد أكبر من المتطوعين وعدد أكبر من الدارسين وتحقيق نسب نجاح عاليه بإذن الله تعالى.
من الله علينا بأكثر من 16 فصل حتى الأن فى مساجد ومدارس ومراكز تعليميه داخل الحدائق وفى مناطق مختلفه وجميعها تعمل بشكل جيد ولله الفضل.

ملحوظه: المشروع مجانى تماما ولا يتلقى المتطوعون اى أجر, كذلك لا يدفع الدارسون اى شىء, ونقوم بتسليمهم الكتب والكراسات والأقلام اللازمه لعمليه التعلم. كل ماهو مطلوب منهم الأنتظام فى الحضور ليس إلا.

هذا والله الموفق والمستعان

رقم الفريق: 01025153361
جزاكم الله خيرا كثيرا

دعوه للتطوع

سكان حدائق الأهرام الكرام .. أحنا جمعيه صناع الحياه - فريق الهضبه - مشروع العلم قوه والذى يهدف لمحو الأميه فى مصر كلها .. وفريقنا مختص بمنطقه حدائق الأهرام .

أحنا متطوعين بنشتغل فى المشروع ده وكلنا من سكان الهضبه .. بحمد الله بقالنا ما يقارب السنتين بنشتغل وفتحين فصول وناس اتعلمت وأمتحنت ونجحت وحصلت على شهاده محو الأميه من هيئه تعليم الكبار كل ده بالمجان تماما .. وكمان عملنالهم حفله تخرج فى نادى الحدائق :)

الموضوع بسيط اوى .. المتطوع اللى بيقدر يساعد بحاجه بيساعد على حسب وقته ومجهوده ومهاراته .. فى متطوعين تنزل معانا فى الحملات اللى بنعملها نمر على الناس اللى محتاجه تتعلم ونشرحلهم الفكره وندعوهم ييجوا يتعلموا .. فى متطوعين بتحب تدرس للأميين فى الفصول (مرتين فى الأسبوع - ساعتين فى كل مره).. فى متطوعين بيساعدونا فى حملات جذب المتطوعين الجدد .. فى متطوعين بيساعدونا فى إيجاد أماكن او الأتفاق مع مساجد لفتح فصول فيها .. أيا كانت  مهاراتك او مقدار وقتك اللى فاضى فيه ممكن تلاقى شغلانه معانا :)

لما الحدائق تبقى بدون أميه أكيد أكيد شكلها الحضارى هيفرق كتير .. يعنى كلنا مستفيدين .. لأن الطبقه اللى هنتعامل معاها فى المشروع هى طبقه البوابين والعمال وسواقين التكاتك واللى هم اساس مشاكل الحدائق .. واحنا مش بس بنعلمهم قراءه وكتابه احنا بنعلمهم قيم وأخلاقيات لا يختلف عليها أثنين .. من الأخر بنحاول نخليه بنى أدم أفضل :)

اللى يحب يشارك معانا فى المشروع اهلا وسهلا بيه فى اى وقت ..

الجروب بتاعنا على الفيسبوك https://www.facebook.com/groups/277860385649279/

التليفون بتاعنا 01025153361

منتظرينكم فى حدائق بلا أميه :) :)

مهام الفريق

المكان: هضبه الأهرام

المستهدفين: كل أمى لا يعرف القراءه والكتابه فى هضبه الأهرام (بواب - عامل - ...)

اماكن الفصول: أى مكان يصلح كفصل (مسجد - حضانه - سنتر تعليمى - شقه - جراج - ...)

مواعيد الفصول: يحددها المتطوع حسب إمكانياته

طريقه العمل:

- نحدد المنطقه المراد فتح فصل فيها.

- نبحث عن مكان متاح لفتح فصل فى المنطقه المحدده. نتواصل مع مسئولى المكان للسماح لنا بفتح فصل.

- بعد موافقه صاحب المكان .. نقوم بعمل حمله لجمع الأميين فى المنطقه الجغرافيه المحيطه بمكان فتح الفصل (مثال: الأميين فى الشوارع المحيطه بالمسجد المراد فتح فصل فيه). فى الحمله نقوم بتدوين بيانات الأمى الذى يريد التعلم (اسمه - عنوانه - رقم تليفونه) ونقوم بإعلامه بميعاد الفصل(يوم كذا الساعه كذا), ولو اليوم غير محدد بعد نتصل بيهم لإبلاغهم بميعاد الفصل.

- فى اليوم المحدد نستقبل الدارسين فى الفصل الجديد

المتطوع:

- يقوم المتطوع كمدرس مبدأيا بحضور التدريب الخاص بالمناهج وكيفيه التعامل داخل الفصل (التدريب تقريبا 3 ساعات فى مسجد خالد بن الوليد)

- ينسق المتطوع مع فريق الإداره (عبر الفيسبوك او التليفون): المكان - مواعيد الفصل - الأشتراك فى حملات الفصول

- الفصل المفروض 3 مرات فى الأسبوع - ساعتين كل مره , لكن لا مانع من جعلها مرتين اذا كانت ظروف المتطوع لا تسمح بأكثر من هذا .. ويمكن اشتراك 2 متطوعين للتدريس فى نفس الفصل.

- من الممكن ان يشارك المتطوع فى كل انشطه الفريق: تدريس - حملات - مخاطبه مساجد وأماكن فتح الفصول - واى نشاط يخدم المشروع .. حسب إمكانياته ووقته.

بعد أنتظام الدارسين فى الفصل وحضور الحصص يصبحوا جاهزين للأمتحان (أمتحان هيئه تعليم الكبار) .. الأمتحان يتم فى مقر الجمعيه (جمعيه صناع الحياه - 6 أكتوبر) بإشراف من هيئه تعليم الكبار ونبلغ بالنتيجه واستلام الشهادات ومن ثم تسليمها للناجحين :)

- بعد وصولنا لعدد 100 ناجح وحاصل على الشهاده من الحدائق والهضبه عموما سوف نقوم بعمل حفله تخرج تضم جميع افراد الفريق والناجحين ونكرمهم ونحتفل بناجحهم :))

- ملحوظه: الجمعيه تتيح إمكانيه أمتحان من يعرف القراءه والكتابه ولكنه غير حاصل على شهاده حتى وان لم يكن دارس فى فصولنا تسهيلا على الناس وقضاءا لحوائجهم والله المستعان

وفقنا الله جميعا لخير ما يحب ويرضى :)

 

مسئوله الفريق: masria.sona3

https://www.facebook.com/masria.sonaa

 

الجروب الخاص بالفريق على الفيسبوك : https://www.facebook.com/groups/277860385649279/

رقم التليفون: 01025153361

اتصـــل بنــــا

التليفــون: 01154453350

تـويتـــر

فيســبوك

الرجوع الي الاعلى