أختـــر المنطقة

قدر ربنا و لطف

19 سبتمبر 2017 :: المصدر : ‎Yahya Hany Khattab‎ to مجلس امناء سكان حدائق الاهرام

 

قدر ربنا و لطف

اول امبارح كان يوم تقيل ع الواحد، ممكن الموقف مايبقاش غريب على مسامع الناس في ما يخص السرقات ولكن لما بيحصل مابيعديش سهل ابدا

في حدائق الاهرام، الجمعه ٩صباحا، زوجتي كانت نازله الشارع و معاها قريبتها و راكبين عربيه، نزلت تشتري حاجه في شارع جانبي و راجعه تركب كان في عربيه تانيه مرقباهم، و في لحظه، كان ساحب شنطة ايدها، ولأنها كانت على كتفها ف اتسحلت معاه بمسافة تعدت عربيتين تلاته

صور العربيه من اقرب كاميرات مراقبة في نفس الشارع و بعد ثواني من السرقه، لو تاخدوا بالكم من العفره الي ورا، وراها كانت زوجتي مرميه في الشارع، العربيه فيرنا سودا متفيمه ( ع أ 4933 أو ع أ 4923 ) و بالإجماع هي معروفه بجرائمها في الحدائق و المناطق المجاورة

اي حد يشوف العربيه دي في اي مكان مايكسلش و يبلغ عنها، لو حد يعرف مسؤل في حدائق الاهرام او في رئاسة الجي يبلغه فورا

صور التانيه دي ..اقل الخدوش الي حصلت لزوجتي الحامل في شهرها السادس، غير بقى الكدمات الي في بقيت دراعها و ضهرها و دماغها.. أنا فعليا ماكنتش عارف اطبطب عليها

فضل من ربنا، اطمنا عليها وع الجنين في اقرب مستشفى، كملنا بقيت اليوم و صبح امبارح في الإجراءات اللازمه

دعواتكم لها، الحمدلله هي بخير ..لا يغني حذر من قدر، بس خلوا بالكم من نفسكم كويس، و ادعوا دايما بالستر و العافيه و الرزق بحـُسن التصرف في جميع الأمور

Image may contain: car and outdoor

اتصـــل بنــــا

التليفــون: 01154453350

تـويتـــر

فيســبوك

الرجوع الي الاعلى